جنگ غزہ و لبنان میں فتح و نصرت کیلئے رہبر معظم کی خصوصی تاکیدات!
ماهِ ذیقعدہ اہمیت اور اعمال رہبر انقلاب کی نگاہ میں + ویڈیو
ماہِ توبہ اور اللہ کی بارگاہ میں لوٹنے کا مہینہ
ماہ ذی القعدہ ہے۔ الحاج میرزا جواد آقا ملکی (رضوان اللہ تعالی علیہ بزرگ عارف اور معلم اخلاق) فرماتے ہیں کہ ماہ ذی القعدہ توبہ کا مہینہ ہے، اللہ کی بارگاہ میں لوٹ جانے کا مہینہ ہے، اپنے اوپر نظر رکھنے کا مہینہ ہے کہ کہیں خدانخواستہ ہم اپنے اعمال سے اللہ تعالی اور اس کے رسول کے خلاف پیکار کرنے والے نہ بن جائیں۔ آپ فرماتے ہیں کہ ذی القعدہ کا مہینہ جو دشمنان خدا کے خلاف بھی جنگ روک دینے کا مہینہ ہے، بدرجہ اولی وہ مہینہ قرار پانا چاہئے جس میں انسان زیادہ محتاط رہے کہ اللہ تعالی کے خلاف معاندانہ فعل کا مرتکب نہ ہو جائے۔ آپ نے ذی القعدہ مہینے میں اتوار کے دن کے عمل کا ذکر کیا۔ آپ تاکید فرماتے تھے اور بہت زور دیتے تھے کہ یہ عمل ضرور کیا جائے۔
ماہِ ذیقعدہ کے اتوار کے دن کے عمل کی خصوصیات
اور نمازِ توبہ
ماہ ذیقعدہ کے اتوار توبہ و انابہ کے دن ہیں، اوراس میں ایک عمل ہے کہ بزرگ عارف مرحوم حج مرزا جواد تبریزی کتاب المراقبات میں نقل کرتے ہیں، اس کا رواج ہے کہ مرحوم بزرگ عرفان حج مرزا جواد نے حضور اکرمؐ سے نقل کیا ہے ، جس نے اپنے اصحاب سے فرمایا: تم میں سے کون توبہ کرنا چاہے گا؟ ہر ایک نے کہا کہ ہم توبہ کرنا چاہتے ہیں – ظاہرا ذیقعدہ کا مہینہ تھا – اس حدیث کے مطابق حضرتؐ نے ارشاد فرمایا اس مہینے کے ہر اتوار کو یہ نماز پڑھیں – کچھ خصوصیت کے ساتھ ایک نماز جس کو کتاب المراقبات میں ذکر کیا گیا ہے۔
مقصد یہ کہ، ماہ ذیقعدہ میں، جو حرام مہینوں میں سے پہلا مہینہ ہے ان لگاتار تین مہینوں میں، مبارک ایام و متبرّک راتیں ہیں۔ ان سے استفادہ حاصل کرنا چاہئے۔
ماہِ ذیقعدہ کی مناسبتیں اور مخصوص ایام
ذیقعدہ کا مقدس مہینہ حرام مہینوں میں پہلا مہینہ ہے۔ اس مہینے کی گیارہویں تاریخ کو حضرت امام رضاؑ کی ولادت باسعادت ہے؛ اس مہینے کا تئیسویں تاریخ حضرت امام رضاؑ کی زیارت کا مخصوص دن ہے۔ اس مہینے کا پچیسواں دن روزِ دحوالارض ہے جو ایک مبارک دن ہے۔ ماہ ذیقعدہ کی پندرہویں شب سال کی مبارک راتوں میں سے ایک ہے۔
البتہ ذی القعدہ کا مہینہ آٹھویں امام سلام اللہ علیہ سے بھی منسوب ہے جو سب کے اور خاص طور پر ہمارے ولی نعمت ہیں۔ ہمیں آپ کی آرام گاہ کی برکتوں سے آپ کے مرقد مطہر کی نعمتوں سے مستفیض ہونا چاہئے، استفادہ کرنا چاہئے اور اذن پروردگار سے خود کو رضوی اقدار سے قریب کرنا چاہئے۔
آیت اللہ سید علی قاضی طباطبائیؒ کی نصیحت
