ماہِ رجب، خودسازی کا مہینہ از آیت اللہ العظمیٰ خامنہ ای

خودسازی کا مہینہ

ہم سب کو ایک بار پھر ماہ رجب میں داخل ہونے کی توفیق پر ایک دوسرے کو مبارکباد پیش کرنی چاہئے۔ ماہ رجب الہی اقدار اور خدا کے قریب ہونے کا ایک موقع ہے۔ یہ مہینہ خودسازی میں مشغول ہونے کا ایک بہترین موقع ہے۔ یہ ایام ہماری روایتوں میں سنہرے ایام کے طور پر متعارف کرائے گئے ہیں وہ سبھی بہترین مواقع ہیں۔ کوئی بھی موقع ایک نعمت ہے اور کسی بھی نعمت کا تقاضا ہے کہ ہم خدا کا شکر ادا کریں۔ اس کی برکتوں کے لئے خدا کا شکر ادا کرنے کا مطلب یہ ہے کہ ہم نعمتوں کو جانیں، ان کے تقاضوں کے مطابق عمل کریں، ان سے فائدہ اٹھائیں، انہیں خدا کا فضل سمجھتے ہوئے ان کو اس کے راستے میں استعمال کریں۔

ماہِ رمضان کا دروازہ

ماہ رجب ان ہی برکتوں میں سے ایک ہے۔ ماہ شعبان اگلا مہینہ ہے اور ایک اور عظیم نعمت ہے۔ عرفاء، مومنین اور اولیائے خدا ک نظر سے ، یہ دو ماہ رمضان کے مہینے کا زمینہ ہیں۔ رمضان کا مہینہ عروج، روحانی ترقی، تقویٰ اور پاکیزگی کا مہینہ ہے اور ہمیں ان سب چیزوں کی ضرورت ہے۔ آپ کو ماہ رجب کی قدر کرنی چاہیئے۔ اس مہینے میں ، آپ کو جتنا ہو سکے خدا کے قریب ہونا چاہئے۔ آپ خدا کی یاد میں رہیں اور اس کی خاطر اپنے کام انجام دیں۔ آپ خدا کی خاطر کوششیں کریں اور کام کریں۔

 ماہ رجب، ماہِ استغفار

ماہ رجب ایک اچھا موقع ہے۔ یہ دعا، خدا پر توکل، اس کے ذکر اور استغفار کا مہینہ ہے۔ ہمیں خدا کے سامنے مسلسل استغفار کرتے رہنا چاہئے۔ کسی کو یہ نہیں سوچنا چاہئے کہ اسے ایسا کرنے کی ضرورت نہیں ہے۔ آنحضرت صلی اللہ علیہ وسلم نے فرمایا  «انّه لیغان علی قلبی و انّی لأستغفر اللَّه فی کلّ یوم سبعین مرّة». بلاشبہ ، یہاں تک کہ حضور (صلی اللہ علیہ وآلہ وسلم) دن میں کئی بار خدا سے استغفار کرتے تھے۔ ہر ایک کو خدا سے استغفار کرنا چاہئے۔ یہ خاص طور پر ہم میں سے ان لوگوں کے لئے ہے جو مادی سرگرمیوں اور مادی دنیا میں ڈوبے ہوئے ہیں۔ توبہ کرنے سے ہم مادی دنیا کے ساتھ اس مشغولیت کی تاریکی کو پاک کرسکتے ہیں۔ رجب استغفار کا مہینہ ہے۔ اللہ کے فضل سے ، ہم اس سے زیادہ سے زیادہ فائدہ اٹھانا چاہیے۔

ماہِ فیض

ابھی ہم ماہِ رجب میں ہیں، وہ مہینہ کہ جس میں متبرک ایام ہیں۔ ہماری ذمہ داری ہے ان دنوں سے فیض حاصل کرنا، روحانیت کو بڑھانا، اللہ سے رابطہ قائم رکھنا، ذکر، دعا و توسل کو اہمیت دینا۔

ذکرِ خدا، توسل کا مہینہ

ماہ رجب کی قدر و منزلت کو سمجھئے! اس مہینے میں پروردگار عالم کی بارگاہ میں دعا و مناجات اور توسل جتنا زیادہ ہو سکے کیجئے! ذکر خدا میں مشغول رہیں ہر کام اسکی خوشنودی کیلئے انجام دیجئے۔ جو بھی کام کررہے ہین اور جو بھی زحمتیں اٹھا رہے ہین فی سبیل اللہ قرار دیجئے!

رجب کی دعائیں، معرفت کا سمندر

رجب کی دعائیں معرفت کا سمندر ہیں۔ دعا میں صرف یہ ہی نہیں ہے کہ انسان اپنے دل کو خدا کے قریب کرتا ہے، البتہ یہ بھی ہے اور سیکھنا بھی ہے۔ دعا میں تعلیم اور تزکیہ دونوں ہیں۔ دعا ذہن کو بھی روشن کرتی ہے جیسا کہ ائمہ اطہارعلیہم السلام کی موثر دعائیں ہمیں ان حقایق، معارف کی تعلیم دیتی ہیں جن کی ہمیں زندگی میں ضرورت ہے۔ اس کے ساتھ ساتھ دعا دلوں کو بھی خدا کی طرف موڑ دیتی ہیں۔ ذکر الٰہی کی بہت زیادہ قدر کی جانی چاہئے۔

اللہ کا دروازہ کھٹکھٹائیں

«خاب الوافدون علی غیرک، خسر المتعرضون الا لک و ضاع الملمّون الا بک» 

یہ ماہ رجب کی دعائیں ہیں۔ صرف اللہ کا دروازہ کھٹکھٹانا چاہیے۔ کسی اور کا دروازہ کھٹکھٹائیں گے تو مایوسی ہاتھ لگے گی۔ اگر غیر خدا کی طرف ہاتھ پھیلائیں گے تو ہمیں خالی ہاتھ لوٹنا پڑے گا۔ دنیا کے تمام وسائل اللہ کے ہاتھ میں ہیں، وہ وسیلے اور سبب کا خالق ہے۔ ہمیں بے شک ان اسباب کو بروئے کار لانا چاہیے لیکن نتیجے اور اثر کی دعا اللہ سے مانگنی چاہیے۔